اجازة حب

من طرف بت هندسه الخميس فبراير 19, 2009 4:08 pm

صيف هذا العام أسوأ صيف عشته في حياتي
باختصار أكثر...مررت بمرحله جدآ حزينه
كنت عايش في صراع كبير من ذاتي لذاتي
كنت ضايق...وأشعر إني بعد ضيقت المدينه
كنت أخطط وأنتظر صيف السنه هذي..وأحاتي
لجل أعيش أجمل<إجازة حب> مابيني وبينه
الحبيب اللي من أول كان أجمل ذكرياتي
وصار أبشع ذاكره في داخل أعماقي دفينه
كانت أشوى لو صدمني فجأه بغير أمنياتي
ولاأموت بامنياتي غدر من طعنة يمينه
ضيق الدنيا بعيني صدق.. وإحترت بجهاتي
كنت اشبه ماأكون بحال قبطان السفينه
لاإرتفع موج البحر والريح هبت والتفاتي
كان عكس الاتجاه اللي يحسس بالسكينه
راكبين اثنين عرض البحر والمركب مؤاتي
للغرق...أو...واحد منا يضحي عن ضنينه
يعني كان الحل واحد.. يامماته.. يامماتي
البلا في ناتج الحلين..أموت من الغبينه
قال: ويش الحل؟ قلت: التضحيه من واجباتي
لازم أضحي عشان أعطيك بعض الطمأنينه
قال:إفرض لو خذاك البحر.. قلت:إعلن وفاتي
قول:مات فلان لجل أعيش.. والمولى يعينه
قال:طيب.. لارحلت شلون بتهنى بحياتي
قلت:فكر في رجوعي بس.. وانطرني لحينه
وإنتبه تنسى وتكفى كل شي إلا..وصاتي
انتبه للقلب تكفى.. قال:في أيدي أمينه
قمت أودعه بسكات ودمعتي تشرح سكاتي
وماذبحني ضيق إلا يوم أنا أقبل جبينه
وأرمي نفسي للبحر واختل في موجه..ثباتي
والبحر لبعيد اخذني وصرت لامواجه رهينه
لكن الله مد في عمري.. ونجاني بصلاتي
ماوعيت إلا وأنا مابين شط.. وبين طينه
والحبيب اللي نجا..ماكان متوقع نجاتي
جيت من بعد الغياب المر.. أدور عن حنينه
مالقيته في المدينه وانشغل بالي..وأحاتي
ورحت من باب انشغالي اسأل الجيران..وينه؟
قيل:سافر في<إجازة حب> دام الصيف آتي
جاه غيرك ياخذه من قبل يومين بيدينه
وقتها دنقت راسي حزن.. حسيت بشتاتي
وقتها حسيت نفسي طفل.. أهله بايعينه
وش حصل لابن اللذينا؟ وإلا أنا وش هي سواتي؟
ماتقول إلا كأني ذابح له.. والدينه
ذا..وأنا اللي لجل عينه مابخلت بتضحياتي
والقهر.. لابارك الله فيه.. مابين بعينه
دام حتى ماحفظ لي عشرتي واحسن جزاتي
ويش باأرجي منه؟لابو عشرته.. لابو سنينه
كان هذا إحساسي اللي دوم أعيشه وسط ذاتي
وإلا أنا ماجيت بحر وماني قبطان السفينه
بس أنا اللي كنت أخطط لجل أحقق أمنياتي
في إجازة صيف ضاعت غدر من طعنة يمينه
رحت بيتي..مامعاي إلا أقلب ذكرياتي
وأقفل الغرفه علي..وأسمع أغاني حزينه
لجل ذلك.. كان هذا الصيف الاسوأ في حياتي
لجل ذلك.. كنت أتعس شخص عايش في المدينه

من طرف كان ياما كان الإثنين مارس 02, 2009 6:02 am

الله اكبر خطييييييييييييييييييييييييره لكن مره
دا جبتيهو من وين المشاعر دي
بتبالغي والله كنت تكلميني
احييييييييييييييك والله
تقبل شمشرتي
اختك كانوو

اجازة حب

اجازة حب

رد: اجازة حب